Мишканысе Марий тӱвыра да историй рӱдер пеленысе «МуроЭм» ансамбль Москваш миен коштын.
Ансамбльын выступленийыжым «Жар Птица» руш телеканалын У ийлан пӧлеклалтше передачыжлан войзеныт. Каналын тӱҥ продюссерже ӱжын улмаш. Кок марий мурым ямдыленыт: иктыже – «Унам вашлийме», весыже ансамбльын участницыже Галина Баширован йоҥгалтарыме «Тый шарнет мо». Передачым 31 декабрьыште, вес ийын 1, 7, 13 да 17 январьыште ончыктат.
Снимкыште: «МуроЭм» ансамбль.
Фотом рӱдерын воткыл лаштыкше гыч налме.
