Республикысе Марий тӱвыра рӱдерын, «Мари ушем» мер организацийын еҥже-влак СВО-ш гуманитар полышым намиеныт.
Нуно тӱрлӧ медикаментым, мушкылтмо средствым, автомашиналан запчастьым, маскироватлыме сетьым нуно чумыреныт. Ты пашаште Курыкмарий, Советский, Звенигово, Оршанке районлаште илыше да школышто тунемше-влак кугу полышым пуэныт. Тыгак Киров областьысе Кильмезь районысо марий-шамычат полыш кидым шуялтеныт. Салтак-влаклан Марий митрополийын кусарыше комиссийжын тыршымыж дене лукмо «Марийский молитвослов» книгажымат пӧлек шотеш кучыктеныт.
Тидын дене пырля салтак-влакын илыме верлаште, госпитальлаште марий артист-влак, самырык-влакын Олык Ипай лӱмеш кугыжаныш премийын лауреатше, «Юкече» йоча ансамбль вуйлатыше, композитор да мурызо Светлана Яндукова ден волонтёр да гармонист Олег Бакутов шке усталыкыштым ончыктеныт. Шке гыч возымо, тыгак калык муро-влакым рушла да марла йоҥгалтареныт, салтак-шамычлан таза да илыше пӧртылаш тыланеныт.
Лишыл огыл корныш миен толаш Марий Эл правительстве председательын алмаштышыже – тӱвыра, савыктыш да калык-влакын пашашт шотышто министр Константин Иванов ден Марий тӱвыра рӱдер директор Василий Петров полшеныт.
Р.Николаева, С.Носова
Фотом рӱдерын лаштыкше гыч налме.
