Кодшо арня мучаште Татарстан Республикын рӱдолаштыже йӱлам, калык усталыкым ончыктышо «Этномериада» фестиваль-конкурсын кокымшо туржо, гала-концертше эртен.
Марий кундем гыч Морко районысо Шеҥше тӱвыра пӧрт пеленысе «Ӱжара» (вуйлатышыже Р.Николаева) ден Морко тӱвыра пӧртын «Яндар памаш» (снимкыште) (вуйлатышыже – С.Панина) фольклор ансамбльже-влак лийыныт да коктынат икымше степенян лауреат лӱм дене палемдалтыныт. Икымше коллективше фольклор ансамбль-влак коклаште ойыртемалтын, а кокымшыжо калык куштымашыж дене чылаштым ӧрыктарен.
А.Байкова
Фотом Калык усталык да культур ден
каныме паша шотышто шанче-методике
рӱдерын сайтше гыч налме.
