Марий Элыште Туныктышо-влакын кугу арняштым республикын образований да науко министрже Лариса Ревуцкая кундемнан ик эн ончыл педагогшо-влак дене вашлиймаш дене почын.
Ӱстел йыр погынышо туныктышо-шамыч тачысе кечын тургыжландарыше йодышлам каҥашеныт. А нуныжо самырык тукымым патриотизм шӱлышеш куштымо, кызытсе образований системын ончыкылыкшо, профессионал мастарлык конкурс да моло нергенат кылдалтше лийыныт.
Г.Кожевникова
Фотом Марий Эл Образований да науко министерстве гыч налме
