Марий Элыште «Кулинарные традиции моего региона. Готовь по-марийски» еш фотографий всероссийский конкурсын регионысо йыжыҥыштыже сеҥышым увертареныт.
«Чын кочмо нерген мутланымаш» федеральный проект кышкарыште эртыше таҥасымашыш школышто тунемше да йочасадыш коштшо-влак (6 гыч 14 ияш марте) ушнен кертыныт.
Конкурсыш 59 паша пурен. Сеҥышыш Советский посёлкысо 2-шо №-ан йочасадыш коштшо Елизавета Ведерникова лектын. Ӱдыр аваже да коваже дене пырля тувыртыш подкогыльым ыштыме дене кылдалтше пашам ямдылен.
Лауреат семын палемдалтыныт: Егор Кренев (Йошкар-Оласе 19-ше №-ан школ), Анна Константинова (Йошкар-Оласе 2-шо №-ан школ), Александра Черных (Йошкар-Оласе 40-ше №-ан йочасад). Нуно пареҥге мелнам, пурам, соктам, премечым, пулашкамуным, подкогыльым ямдылыме дене кылдалтше пашам аклаш пуэныт.
Сеҥыше ден кум лауреатын пашаштым конкурсын Россий кӱкшытан йыжыҥышкыже колтат.
Г.Кожевникова
Снимкыште: сеҥышыш лекше Елизавета Ведерникова Наталья аваже да коваже, Людмила Тойдыганова, дене пырля.
Фотом Марий образований институтын соцкылысе лаштыкше гыч налме.
