Йолташ-влак, тендан полшымо дене кодшо арняште мурызо-шамыч шке коклаштышт тыгайрак «тошкалтышым» чоҥеныт.
- Николай Изергин – «Чеверын код – эрла мартен»
- Людмила Конакова – «Колышт тудын йӱкшым»
- Кристина Краснова – «Авай»
- Надежда Мокеева – «Окна яндам шупшале теле»
- «Куан памаш» ансамбль – «Мыйын мландем»
- Богдан Тымбаршев-Шой – «Сеҥымашын мурыжо»
- Лада Рыбакова – «Чонем мура»
- Эльмира Усова – «Могай пиал»
- Александр Марков – «Тылат, пагалымем»
- Саша Иванов – «От мондалт»
Йӧратыме мурызыланда ончыл верым налашыже кузе полшышашым огыда пале гын, ушештарена: 5533 кӱчык номерыш SMS-ым колтыман. Тӱҥалтыште МАРИ мутым возыман, вара, яра верым кодыде, мурын номержым шындыман. Муро лӱмым кавычкыш налман огыл. Йӱклымаш SMS-ПОРТАЛ-ыште кая.
Математикым туныктышо мураш йӧрата
Лада Рыбакова Шернур район Шӱдымарий кундемысе Изи Памаш ялеш шочын-кушкын. Кызыт ешыж дене Шернур посёлкышто ила, пелашыж дене пырля ик ӱдыр ден кок эргым ончен куштат.
Лада ынде луымшо ий Шӱдымарий тӱҥ школышто математикым туныкта. Изинекак мурылан шӱмаҥше ӱдыр жапше лийме семын тӱрлӧ мурым колыштеш, репертуаржым пойдараш тырша.
– Репертуарыштем верысе музыкант-влак Вениамин Семёнов ден Владимир Ивановын икмыняр мурышт уло, – каласкала Лада. – «Чонем мура» мурылан мутшым Марий Элын калык поэтше Геннадий Сабанцев-Ояр возен, семжым Вениамин Семёнов келыштарен, аранжировкым Александр Куприянов ыштен. Тиде мурем ялыште йывыртен илыме нерген.
Алевтина БАЙКОВА ямдылен
Фотом еш альбом гыч налме
