Марий Элыште — Самырык-влакын политикышт шотышто советым ыштеныт.
Тидын шотышто указым Марий Эл вуйлатыше Юрий Зайцев 21 февральыште подписатлен.
Советын ыштышаш пашаже: республикыште самырык-влакын политикыштым илышыш шыҥдарымаш, самырык-влаклан да самырык-влакын ушемыштлан полышым пуымо шотышто программе ден мероприятийлам ямдылымашке ушнымаш, самырык-влакын политикыштын пашаштым лончылымаш да ты йодыш дене кылдалтше проблемым решатлымаш.
Советын председательже – Марий Эл вуйлатыше.
Совет председательын алмаштышыже – Марий Эл Правительстве Председательын икымше алмаштышыже, самырык-влакын политикышт шотышто йодыш дене пашам ыштыше.
Советышке республикысе самырык-влакын мер ушемлаштын, коммерческий огыл организаций-влакын ӱшанъеҥышт, вуз ден ссузын тунемшышт, науко, спорт, тӱвыра организаций-влакын, кугыжаныш кучем дене верысе самоуправленийын еҥышт пурен кертыт.
М.Скобелевын фотожо/ «Марий Эл» увер агентстве
