Марий Эл Кугыжаныш Погын председатель Михаил Васютин Мер эскерымаш рӱдерыш миен коштын.
Тудо республикыште сайлымашын кузе эртымыжым терген шогымо пашам виктарен колтымым аклен.
Мер эскерымаш рӱдерым вуйлатыше Евгений Кузнецов регионысо парламентын спикержылан мониторинг системын тӱрыс ямде улмыж нерген каласкален. Республикысе чыла сайлыме участкыште эскерыше-влак пашам ыштат. Регионышто чылаже 500 наре участковый сайлыме комиссий шотлалтеш, тушто 1200 наре эскерыше тырша.
Республикысе чыла участкыште эскерыше-влак гына огыл пашам ыштат, тыгак видеоэскерымаш уло. Мер эскерыше рӱдерын видеопырдыжыштыже республикыште улшо чыла участке гыч пелыжым онлайн режимыште ужаш лиеш, молыштыжо видеорегистраций пашам ышта.
Марий Эл Кугыжаныш Погынын председатель рӱдерыште лиймыж годым республикысе элгӧргӧ паша министрын алмаштышыже- полиций начальник Алексей Коновалов да Мер эскерымаш штаб вуйлатышын алмаштышыже, Россий Общественный палатын членже Роман Золотухин дене мутланен.
Михаил Васютин волонтёр-влакын автоматизироватлыме пашаштлан поснак кугу тӱткышым ойырен.
«Волонтёр-влак посна районын картшым, кеч Звенигово районысым, кеч Козьмодемьянск оласым але ял шотан илем-влакын, почын кертыт да эскерышын профессиональный опытшым шотыш налын, участкын пашажым терген кертыт», — умылтарен Евгений Кузнецов.
Михаил Васютин Мер эскерымаш рӱдерын технике йӧным сайын кучылтмым, эскерыше-влакын пашаштым кӱкшын аклен.
