Марий Эл гыч 15 наставник «Знание» Россий обществын Знание.Наставники проектыштыже сеҥышыш лектын.
Нунын кокла гыч 7 еҥже «Наставник-педагог», нылытынже – «Наставник-советник», а молыжо «Наставник-вуйлатыше» категорийлаште сеҥеныт. Уста туныктышо-влак Йошкар-Ола, Волжск, Козьмодемьянск олаласе да Советский посёлкысо тунемме верлаште пашам ыштат.
Участник-влак проектын финалжын ик йыжыҥыштыже авторский пашашт дене палдареныт. Мутлан, Козьмодемьянск оласе Индустрий да предпринимательстве колледжын педагогшо Людмила Жирова «Туризм да унам вашлиймаш» направлений дене практике разработкым ямдылен. Медведево 23-шо №-ан школ гыч Инна Гаранинан пашаже йоча-влакын сылнын лудаш туныктымо дене кылдалтын. Семёновко школ-интернатыште утныктышо Ирина Бусыгина инклюзив да коррекционный образований сферыште пашам ыштыше педагог-влаклан методический полышым пуа.
Знание.Наставники проектыште сеҥыше 1600 туныктышо гыч кажныже 52 тӱжем теҥге дене палемдалтыт, а эн кӱкшӧ результатым ончыктышо 220 участникым пайдале тунеммаш вуча.
Г.Кожевникова
Фотом «Знание» Россий обществын пресс-службыж гыч налме.




