Ноябрь мучаште ийготыш шудымо граждан-влак шотышто опеке да попечительстве органлаште тыршыше-влаклан «Йочан велне» Россий кӱкшытан профессионал мастарлык конкурсышто Йошкар-Ола гыч Елена Кошелева (снимкыште)лауреат-влакын радамышкышт лектын.
Чылаже вич номинаций лийын: «Йоча-влакым судышто аралымаш», «Йочан велне», «Ешым алмаштышылан полышкалыше», «Ешан лияш икшывын праваже», «Сеҥымашан старт». Конкурсышто уло Россий гыч 164 специалист усталыкым ончыктен. Мемнан Елена Кошелева «Ешан лияш икшывын праваже» номинацийыште лауреат лийын.
Г.Кожевникова
Фотом Марий Эл Образований да науко министерстве гыч налме.
