Марий Элын Сайлыме комиссийже индешымше созыв Кугыжаныш Думыш депутат-шамычым сайлымашлан умбакыже ямдылалтеш.
Йӱклымаш 18, 19, 20 сентябрьыште эрта.
Сайлыме кампаний сайлыше-шамычын лӱдыкшыдымылыкыштлан посна тӱткышым ойыра. Йӱклаш ойырымо чыла 491 помещенийым металлодетектор-влак дене шыҥдарыме: кугурак участкылаште 122 стационар металлодетектор-рамкым шындыме, молыштыжо кид металлодетектор дене тергаш палемдыме.
Йӱклымӧ кечылаште сайлыме кажне участкыште МВД ден Росгвардий пашаеҥ-влак порядкым эскераш тӱҥалыт.
Сайлыше ден комиссий член-шамычын лӱдыкшыдымылыкышт дене кылдалтше йодышым сайлымашым эртарыше-влакын кажне совещанийыштышт ончат.
Правопорядкым эскерымаш – законым шуктымо негыз да сайлымашым эрыкын да честне эртарыме йӧн.
Пагалыме сайлыше-шамыч! 18, 19, 20 сентябрьыште сайлымашке ушныза. Республикнан да элнан ончыкылыкыштлан кажне йӱк кӱлешан.
Маргарита ИВАНОВА.
