«Работа России. Время возможностей» всероссийский ярмиҥган регионысо йыжыҥыштыже 109 еҥ пашам муын.
Ныл у пашаеҥ – СВО-н участникше-влак – да эше куд еҥ республикысе обороно-промышленный комплексын предприятийлаштыже карьерым ышташ тӱҥалыныт.
Ярмиҥгаште 95 площадке лийын, тушто 4 тӱжем наре еҥ сай паша верым темлыше-влак дене мутланен кертын. Пашам пуышо-шамыч мероприятий жапыште пурышо резюме-влакым умбакыже ончат.
Мероприятийышке 149 компаний ушнен, нуно пашам кычалше-влаклан тӱрлӧ отрасльыште 2 тӱжем утла вакансийым темленыт. Ярмиҥган аудиторийже кумда лийын: келшыше пашам пашадыме веле огыл, школьник, студент да вузын выпускникше-влакат кычалыныт.
Маргарита ИВАНОВА.
Марий Элын Паша да социальный аралтыш министерствыжын пресс-службыжын фотожо.
