«Образований» национальный проектын «Кызытсе школ» федерал проектше почеш, 1 сентябрьыште Марий Элыште верланыше общеобразовательный организацийлаште естественно-научный да технологий направлениян эше 22 «Кушмо точко» рӱдер почылтын.
Республикын образований да науко министрын алмаштышыже Валентина Гаврилова палемден:
— Тенийысе тунемме ийыште «Кушмо точко» рӱдер-влакын регионысо сетьше 58 школ марте кугемын. Ешартыш шинчымашым пуымо кумдыкым ыштымылан кӧра нуно у оборудований дене пойдаралтыныт, а туныктышо-влак квалификацийым нӧлтымӧ курсышто туныктымо у йӧн дене кылдалтше курсым эртат. Естественно-научный да технологий направлениян рӱдер йоча-влаклан тачысе илышын йодмыжлан келшыше шинчымашым налаш йӧным ышта. «Кызытсе школ» проектыш ушнышо школлаште «Физике», «Химий», «Биологий» предметлам тунемаш уэмдыме кабинетлам, тыгак проект пашам ышташ пӧлемлам ыштыме.
Г.Кожевникова
Фотом Марий Эл Образований да науко министерстве гыч налме.
