В.Абукаев-Эмгак лӱмеш «Ший памаш» поро кумылым ончыктышо сылнымут фонд дене пырля эртарыме «Лӱметым моктена, Чавайн!» литератур конкурсна иктешлалтын. Сеҥыше-влакын лӱмышт:
«Поэзий» номинацийыште: 2-шо вер дене Марий Элын калык поэтше-влак Геннадий Сабанцев ден Анатолий Тимиркаев палемдалтыныт. 3-шо верыш Николай Золотарев ден Юрий Исаков лектыныт. Кумылаҥдыше премийым Светлана Бессонова ден Инесса Ардашлан кучыктымо. Икымше верым нигӧлан пуымо огыл.
«Прозо» номинацийыште 1-ше вер дене Светлана Муртазина, 2-шо вер дене Ираида Букетова-Алвий, 3-шо вер дене Светлана Алексеева палемдалтыныт.
Премийлан оксам ойырымыжлан «Ший памаш» фонд вуйлатыше, прозаик Василий Красновлан кугу таум ойлена. Сеҥыше-влакын сылнымут пашашт газетыштына печатлалтыныт.
Л.СЕМЕНОВА
М.СКОБЕЛЕВЫН фотожо
