Марий Эл гыч еш-влак инвалидностян йочам ончышо ача-ава-шамычлан полшымо «Особенное счастье» всероссийский премийыште участвоватлат.
Премий тений 15 январь гыч 30 июнь марте эрта. Тудын тӱҥ шонымашыже калыкын тӱткышыжым начар тазалыкан да инвалидностян икшывым ончышо, илышлан келыштарыше, тӱрлӧ пашаште шкем муаш полшышо ача-ава-влаклан ойырымашке, тулык йочам эргылыкеш але ӱдырлыкеш налаш кумылаҥдымашке, нуным йол ӱмбак шогалташ тыршымашке виктаралтын.
Тений премийыште Марий Эл гыч инвалидностян йочам ончышо кок еш участвоватла: «Икшывылан ӱшанымылан» номинацийыште – Морко районысо Кӱчыкэҥер ялыште илыше Маргарита Гаврилован ешыже да «Йот йоча лийын огеш керт» номинацийыште – Морко районысо Октябрьский посёлкышто илыше Раиля Фахрутдинован ешыже.
М.ИВАНОВА
