Йошкар-Олаште Инвалид-влакын вссеросийский обществыштын регионысо организацийже пелен Путешественник-влакын клубышт почылтын.
Ты пашам организаций Президент грант фондын конкурсыштыжо «Доступный туризм» проект дене сеҥымыжлан кӧра ворандараш тӱҥалеш. Вуйлатышыже Наталья Богомолован палемдымыж почеш, у проектлан кӧра турист-влак Татарстанысе, Чувашийысе, Нижегородский областьысе да Марий Элысе федерал да регион кӱшытан 15 тӱвыра да историй объект дене палыме лийыт. Инвалидностян турист-влак ик але кок кечаш экскурсийыш каят. Сусыргышо але травмым налше СВО участник-влакат экскурсант радамыш ушнат.
«Защитники Отечества» региональный фонд вуйлатышын алмаштышыже Павел Марышевын палемдымыж почеш, СВО гыч сусырген пӧртылшӧ пӧръеҥ-влаклан калыкыш лекташ утларак йӧн лиеш.
Икымше тыгай экскурсионный тур Озаҥыш лиеш. Тушко ушнышо-влак Татарстанын рӱдолажын сылне луклаж дене палыме лийыт.
Светлана Носова
Фотом организацийын лаштыкше гыч налме.
