Рӱдолан Ленин проспектше мучко элетромеҥгылашке мотор иллюминацийым сакедат.
Композиций йытыра бокалым ушештара, диаметрже – 2 метр, кӱкшытшӧ – 3 метр. Кӱшыл тӱрешыже пуйто марий тӱран вуйшӱдышым пыштыме. Пычкемышыште кузе моторын волгалташ тӱҥалеш! Ола администрацийын уверже почеш, чылаже 16 тыгай фигурым пижыктат. Йошкар-Олана пайрем вашеш эшеат шукырак марий тӱсым налеш.
Л.СЕМЕНОВА
Фотом Йошкар-Ола администрацийын сайтше гыч налме
