Семёновко села гыч Василиса Гаврилова Озаҥ олаште эртыше «Ритмын кубокшо» тӱнямбал сымыктыш конкурсышто кок номинацийыште икымше степенян лауреат лӱмым сеҥен налын.
А вет тудлан улыжат вич ий гына. Изи ӱдыр йочасадыш коштеш, тыгак Олимпийский резерв училище пелен пашам ыштыше «D.Stars» эстраде куштымаш ансамбльын участницыже улеш. Тренерже Дарья Дерябинан ойлымыж почеш, усталыкшым, тыршымашыжым палемденак тудо Василисам конкурслашке коштыкташ тӱҥалын. Ӱдырын тиде икымше сеҥымашыже огыл. Шкенан регионысо, Россий, тӱнямбал кӱкшытан куштымаш конкурслаштат икмыняр гана ойыртемалтын. А тӱрлӧ конкурсышто шкем ончыктымо, у сеҥымаш-влак изи ӱдырым утларак тыршаш, сайрак кушташ кумылаҥдат.
С.Носова
Снимкыште: В.Гаврилова – тренерже Д.Дерябина дене пырля.
И.Бирюкован фотожо.
