Пермь кундем Суксун район Кызгынде ялыш Марий Эл, Пошкырт кундем, Нефтекамск ола гыч марий фольклор коллектив-влак миеныт.
Тушто илыше-влак шке воткыл лаштыклаштышт тидын нерген ятыр оҥай комментарийым сереныт. Мутлан, «Ме чылан марий улына гынат, тыгай тӱрлӧ улына, но чылан йӱланамжаплена, кушташ да мураш йӧратена». Але: «Вот тиде мурымаш, вот тиде куштымаш, вот тиде марий калыкын миен-толын илымаш ыле…»
Шарнымашыже тушко мийыше-шамычынат сай кодын, вет нуным шокшын вашлийыныт. Мутлан, Кызгынде ялыште Марий тӱвыра рӱдерым
вуйлатыше Надежда Спиридонова уна-шамычлан школ, йочасад мучко экскурсийым эртарен. А нунышт икшыве-влаклан шере пӧлек ден сувенирым кучыктеныт.
Пошкырт вел гыч «Таныптӱр сем», Нефтекамск ола гыч «Чолга шӱдыр» ансамбль-влак миеныт гын, Марий Элысе Советский посёлко гыч Галина Щербакован вуйлатыме «Кугезе кумыл» коллективше усталыкше дене куандарен. Пермьысе марий-влакын «Мари аршаш» ансамбльыштат мероприятийыш ушнен.
Снимкыште: Пермь кундемыште – шарнымашеш кодшо вашлиймаш.
Фотом Пермь кундемысе марий-влакын воткыл лаштыкше гыч налме.
