3 апрельыште Марий Элыште «Единый Россий» партий специальный военный операцийын участникше-влаклан да нунын ешыштлан единый прием кечым эртарен.
Юрино район
«Единый Россий» партийын верысе отделенийжын Общественный приемныйыштыжо иквереш эртарыме прием лийын. Тушто социальный полышым пуымо йодышым иканаште кум эксперт каҥашен: тиде – партийын верысе отделенийжын секретарьже Ирина Куклева, «Защитники Отечества» фондын социальный координаторжо Сергей Кисунин, Отечествын воинже-влакын ешыштын комитетыштын муниципальный штаб вуйлатышыже Ирина Тимерханова. Тидыже улшо нелылык-влакым иквереш чумырен каҥашаш да кажне йодышлан тыглай консультацийым веле огыл, а Калык программыште палемдалтше полыш мере дене келшышын посна темлымашым пуаш йӧным ыштен. СВО участникын лишыл еҥже-влак закон дене келшышын кузе шке йодышым решатлышаш шотышто раш умылтарымашым налыныт.
Шернур
Тиде муниципальный округышто партийын «Ребята нашего двора» проектше тыглай вашлиймаш семын гына огыл эртен. Верысе отделенийын секретарьже Валентина Таникеева СВО-н участникше Александр Лукоянов да тудын аваж деке мӧҥгышкыштак миен. Мутланымышт годым «гражданкыште» кузе шке верым муаш; соцконтракт полшымо дене шке пашам почаш лиеш мо; кузе тазалыкым пеҥгыдемдаш, санаторийыш путевкым кузе налаш лийме дене кылдалтше цодыш-влакым тарватеныт. Валентина Таникеева Александрлан кӱлеш полышым пуаш сӧрен.
Тиде кечынак Шернур поселкышто «Защитники Отечества» фондын филиалыштыже депутат Андрей Макматов СВО-н участникше-влаклан приемым эртарен. Тудо боец-шамычлан могай вакансий улмо, Калыклан паша верым ситарыме рӱдерын услугыжо-влак нерген каласкален да угыч тунеммашым эрташ лийме дене палдарен.
Регион кӱкшыт
Партийын председательже Д.А.Медведевын Марий Элысе Региональный общественный приемныйжын вуйлатышыже, Кугыжаныш Погынын депутатше Михаил Швецов обращений-влакым каҥашымашке шкеже ушнен. Тудо нуным кажныжым тӱрыс шуктымешке контрольышко налын. Тыгак еҥ-влаклан могай полышым кызытак налын кертмыштым умылтареныт.
Единый прием кечым эртарымаш ончыктен: СВО-н участникше-влаклан полышым пуымаш тиде лозунг огыл, а паша. Кӧ элнам арален, тудо шке неле йодышыж дене шкет ок код, а полыш пуалтеш.
Любовь Камалетдинова
