Элнам аралыше-влакын ешыштын комитетыштын еҥыштлан «Герои Марий Эл. Талешке-влак» кадр программе нерген каласкаленыт.
Эртыше каныш кечылаште «Авангард» тунемме да патриот рӱдерыште регионысо комитетын еҥышт ден муниципальный штаб вуйлатышыштлансеминар эртен. Мероприятийыште кундемнан Элкӧргӧ полите шотышто министрын алмаштышыже Виктор Викторов выступатлен. Тудо «Герои Марий Эл. Талешке-влак» кадр программе дене лишкырак палдарен.
Ты программылан кӧра спецоперацийын боецше-влакым виктем сферым сайын палыше вӱдышӧ эксперт-влак туныктат. Ты программе почеш тунем лекше-влак республикысе госструктурышто да предприятийлаште пашам ыштен кертыт.
«Герои Марий Эл. Талешке-влак» программыш ушнаш йодмашым 18 апрель марте герои-марий-эл.рф сайтыште налыт.
