Мурызо, Самырык-влаклан Олык Ипай лӱмеш кугыжаныш премийын лауреатше Надежда Пашкинан лӱмжӧ марий эстрадыште шукыштлан палыме. Тудын репертуарже ятыр сылне мурылан поян. Надя республикыштына эртаралтше тӱрлӧ конкурсышто, фестивальыште мастарлыкшым терген да ик гана веле огыл лауреат лӱм дене палемдалтын.
Надеждан тӱҥ пашаверже Марий самырык театр лийын. Тушто тудо кассирлан да синхронно кусарыше дикторлан ыштен, сандене тудын ныжыл йӱкшым театрын йолташыже-влакат сайын палат. Но икана калыкыште трукышто тудым йомдарыме нерген шоктыш. Н.Пашкина идалык утла ончыч Финляндийыш илаш куснен. Могай амал дене? Йот мландыште могай пашам шукта? Нине да моло нерген шкеж дене соцкыл полшымо дене мутланышна.
– Надежда, Финляндийыш каяш мо таратен?
– 2020 ийыште шыжым пневмоний дене черланымеке, кок тылзе утла эмлымверыште киенам ыле, эсогыл операцийымат чытен лекташ логале. Тиддеч вара илышем пӱтынек вашталташ шонен пыштенам…
А.БАЙКОВА
!!!Интервьюм умбакыже 11 февральыште лекше «Марий Эл» газетыште лудаш темлена
