26 майыште Москосо ВДНХ-ште «Россий» тӱнямбал ончерыште Пеледыш пайремым эртарат.
Тудо 13 шагатлан тӱшкан ошкылмаш гыч тӱҥалеш. Вара ВДНХ-н тӱҥ сценыштыже кугу концерт лиеш. Тудо 17 гыч 19 шагат марте Марий Элын павильоныштыжо шуйна. Тушто мемнан республикын усталык коллективше-влак шке мастарлыкыштым ончыктат.
Марий калыкын шошо агам иктешлыше райремым ик вере Пеледыш пайрем, вес вере Семык маныт. Тений Йошкар-Олаште тудо 15 июньлан палемдалтын. Тудым эртарыме шотышто шукерте огыл Марий Эл Республик вуйлатышын кӱштымашыж почеш оргкомитет ышталтын.
Марий-влакын тӱшкан илыме кундемлаштат ты пайремым эртарыме кече-влак рашемыныт:
Ленинград областьыште (Всеволжск ола ) – 25 майыште;
Удмуртийыште (Грах район Марий Вожай ял) – 8 июньышто;
Киров область (Пыжанью район Вӱлэҥер ял) – 8 июньышто.
Татарстан Республикыште (Мамадыш район Кугу Шия ял) – 15 июньышто
С.Носова
М.Скобелевын фотожо
