Таче Йошкар-Оласе 2-шо №-ан школышто Кугу Отечественный сарыште героизмым ончыктышо, лӱддымӧ партизанке да разведчице Ольга Тихомировам шарныме лӱмеш митинг лийын. Школын тунемшыже-влак тудын илышыже да подвигше нерген каласкаленыт, почеламутым-влакым лудыныт. Мероприятийыште Йошкар-Ола округ администраций вуйлатышын пашажым жаплан шуктышо Антон Трудинов палемден: лач Ольга Тихомирова гай еҥ-влаклан кӧра ме элна да историйна дене кугешнышаш улына.
Митингыште тыгак Йошкар-Ола округ админстрацийын физический культур да молодёжь политике шотышто, тыгак образований виктем-влакым вуйлатыше Евгения Пономаренко ден Роза Чемекова лийыныт.
Галина Кожевникова
Фотом Йошкар-Оласе 2-шо №-ан школын сайтше гыч налме.
