«Донбасслан Марий кундем гыч» –
тыге возымо гуманитар полышым наҥгайыше кугу автомашина кутышеш. 24 февраль гыч Донбасслан гуманитар полышым Марий Эл гыч фуро дене колтедылаш тӱҥалыныт. Тиде гана республикыште ыштен лукмо кондитер ден макарон кочкыш йӧрварым погымо. Тиде поро пашаш тӱрлӧ организацийыште тыршыше-влак да тыглай калыкат ушненыт.
Таче гын (30 мартыште) гуманитар полышым чумыраш «Утарыше-влакын Всероссийский студент корпусышт» гыч самырык доброволец-шамыч, полиций да МЧС пашаеҥ-влак ушненыт. Нунын коклаште – студент-доброволец Кирилл Моисеенко ден Наташа Сидоркина. Наташа каласыш:
– Тиде поро пашаш ушнен, ме кертмына семын кеч изиш да полышым ыштена. Теве кажне кечын кок смене дене 25 студент-доброволец Донбасс калыклан колтышаш быт химий средства-влакым упаковкышто чумырена. Тушто улшо датым, кузе аралалтмыштым, келшыше срокшым терген оптена.
Палемдыман, гуманитар полышым Йошкар-Олаште кок вере погат: Самырык-влакын полатыштышт да Ленин лӱмеш тӱвыра полатыште. Тыге Крым гыч автомашина дене Донецк ден Луганск Калык Республикылашке Марий Эл калык деч гума итар полыш толеш.
М.Скобелев
Авторын фотожо.
Снимкыште: 027 Доброволец-влак быт химий средствылам погат. 030 –Тыгай фуро Крым гоч Донбассыш кая.006 – Н.Сидоркина ден К.Моисеенко.
