Тӱнямбал экономике форум
Цифран йӧным – илышыш
Искусственный уш-акыл технологий негызеш видеоаналитикылан разработкым ямдылыме шотышто ончыллан шотлалтше NtechLab компаний дене ыштыме соглашеният пайдам пуышаш.
Цифран трансформаций шотышто пашам вияҥдымаш РФ-ште 2017-2030 ийлаште информационный обществым вияндыме стратегий ден Искусственный уш-акылым вияҥдыме национальный стратегийын кӱлешан ужашыштлан шотлалтеш. Соглашений почеш Марий Элыште NtechLab компанийын разработкыжым ЖКХ ден чоҥымо пашаште, транспорт комплексым уэмдымаште кучылташ лиеш. Тыгак увер-телекоммуникаций инфраструктурым вияҥдаш да отрасльысе негызлан цифр технологийым шыҥдараш палемдалтеш.
Юрий Зайцев ты кыл кучымашын цифран инфраструктурым вияҥдымаште кӱлешан улмыжым палемден.
NtechLab компанийын генеральный директоржо Алексей Паламарчукын ойлымыж почеш, нунын продуктышт чыла тӱрлӧ сферыштат лӱдыкшыдымылыкым кугемдаш, экологий йодмашым шукташ да паша роскотым иземдаш полша. Ты компанийын разработкыж дене Россий регионлаште веле огыл, тыгак 34 элыште пайдаланат.
Марий Эл вуйлатышын пресс-службыжын уверже негызеш Юрий Исаков ямдылен.
Снимкыште: NtechLab компаний дене кыл кучем ышталтеш.
Денис Речкинын фотожо.
