«Марий Элын ешыже» нацпроектлан кӧра 2025 ий тӱҥалтыш гыч икымше йочам ыштыше-влаклан 800 наре пӧлек комплектым яра пуэныт.
Тыгай комплектыште – шочшо йочам мушкаш гигиене средства, капюшонан шӱртӧ кӱпшан шӱргӱштыш, икшывым пукшаш да йӱкташ атым ырыктыш, электрон градусник. Тудым медицине организаций азам ыштыме пӧрт гыч лекше кажне ӱдырамашлан пӧлеклен.
Ончылгоч палемдыме почеш, тыгай пӧлекым тений Марий Элыште 1700 наре еш налшаш. Чыла тидлан республикын бюджетше гыч 2025 ийыште 8,5 миллион теҥгем ойырымо.
Тыгак 2025 ий апрель гыч республикысе вузлаште тунемше мӱшкыран студентке-влаклан (нуно ӱдырамаш консультацийыш учётыш шогалшаш улыт) 100 тӱжем теҥге кугытан единовременный выплате пуалтеш. Тиде «Еш» национальный проектын да йоча шочмо чотым кугемдыме дене кылдалтше регионысо программын ужашыжлан шотлалтеш.
Г.Кожевникова
Фотом Марий Элын Паша да социальный аралымаш министерствыжын соцкылысе лаштыкше гыч налме
