КУЧЕМЫШТЕ УВЕР ЙОГЫН

Азап: чодыра йӱла!

Марий Эл ден Нижегородский область кокласе чекыште ылыжше чодыра пожар йодышым Марий Элыште вучыдымо кугу азапым шижтарыме да кораҥдыме, пожар лӱдыкшыдымылыкым эскерыше правительственный комиссийыште каҥашеныт.

Марий Элын кумдыкыштыжо 300 га мланде йӱла. Пожар ынже шарле манын, Юрино районышто 25 км кутышан минерализованный полосам ыштыме да ваштареш тулым колтымо. Марий Эл вуйлатышын сомылжым жаплан шуктышо Юрий Зайцев «Тыгай туткар моло регионлаштат палдырна, мемнан республикымат ӧрдыжеш коден огыл» манын каласен. Пожарым чарыме шотышто мо ышталтме нерген йодмыжлан Марий Элын пӱртӱс поянлык, экологий да йырым-йырысе средам аралыше министр Алексей Киселев каласен: «Пожар Нижегородский область велым мемнан декыла толеш. 2010 ийыште йӱлышӧ кумдык ылыжын, а тидыже туллан писынрак шарлаш амалым пуа. Йӱдым мардеж шыплана, южын температурыжо ятырлан вола – тунам пожар лыплана, 10-11 шагат кечываллан уэш талышна».

Министрын мутшо почеш, 15 августлан пожарым йӧртымаште Авиалесохранын специалистше, министерствын, Юрино лесничествын пашаеҥже, чодырам арендыш налше-влак – чылаже 40 еҥ да 21 технике тыршат. Тылеч посна Юрино ден Курыкмарий районла гыч 59 доброволец ушнен.

Марий Эл Республикым вуйлатышын организаций да аналитике виктемжын уверже негызеш Л.СЕМЕНОВА ямдылен

Д.РЕЧКИНЫН фотожо 

 

Опубликовать в Одноклассники

Добавить комментарий