«Весення капель» всероссийский фестивальыште Марий Эл гыч «ЗУМ» йоча киностудий 3-шо степенян лауреатын дипломжо дене палемдалтын.
28-ше мероприятий Липецк олаште эртен. Тушто Российысе 24 регион гыч 500 наре ӱдыр-рвезе моштымашым ончыктен. Жюри председатель совет да россий оператор, Россий искусствын сулло деятельже, Санкт-Петербургысо кино да телевидений институтын оператор искусство кафедржым вуйлатыше Николай Волков лийын.
Марий Эл гыч «ЗУМ» киностудий фестивальыште «Авамлан серыш-влак» документальный фильмжым, «Поповка села гыч рвезе» видеосюжетшым ончыктен.
