Кодшо кечылаште Тюменьыште «Ноль Плюс» XIII тӱнямбал кинофестиваль кышкарыште «Мы» этнический видеоконтент конкурс эртен.
Тушто «Шаблий» киностудийын икмыняр пашаже ончыкталтын. Икмымше сеҥымаш семын режиссёр Денис Шаблийын «Где У Волги середина» фильмжым ончыктыман, тудо Ончышо-влакын симпатийышт приз дене палемдалтын. «Нити традиций мари» видероликше «Профессионал-влак» номинацийыште икымше верыш лектын. «Шып лий»гуппын «Ковай» клипше тӱшка калыкын йӱклымаштыже тыгак икымше верым сеҥен налын. Тидын нерген Денис Шаблий шке воткыл лаштыкыштыже увертарен.
Денис Шаблийын воткыл лаштыкше гыч налме фото.
