«Ончыкылык верч йӱклена, тыште кажнылан вер уло», – ойла Российысе калык-влак ассамблейын Марий Элысе пӧлкажын йыжыҥъеҥже Муса Моллачиев.
Ме Российын поянлыкше нерген чӱчкыдын ойлена, да тиде тыглай мут-шамыч гына огытыл. Тиде икмыняр курым почела тукым гыч тукымыш кӱсынлымӧ шӱдӧ дене йылмым, ойыртемалтше йӱлам да тӱвыра кодым иктыш ушышо чонан мозаике. Лачшымак тӱрлӧ улмына элнам шкешотаным ышта, а мемнан задачына – тиде йӱлам кушкын толшо тукымлан арален кодаш.
Российысе калык-влакын икоян улмо идалыкыште ме молгунамсе деч сайын умылена: икойлык – тиде «икгай улмаш» огыл, а кажнын ойыртемжым пагален, икте-весым колын, ик шонымашке ошкылын моштымаш. Мемнан ончыкылыкна таче могай корным ойырен налмына дене чак кылдалтын.
А ойырен налмаш, сайлымаш – тиде эре личный ответственность.
Тений мый Кугыжаныш услуго портал гоч электрон йӧн дене дистанционно йӱклаш (ДЭГ) йодмашым пуышым. Ынде 18 гыч 20 сентябрь марте йӧнан жапыште, паша коклаштак, телефонем гыч йӱклен кертам.
Мыланем дистанционно электронно йӱклаш палынак каньыле. Тыгак ДЭГ-ым, тачысе илыш деч кораҥде, элнан эрласе кечыжым ышташ полшышо кызытсе йӧнлан шотлем. Технологичный, лӱдыкшыдымӧ, куштылго – кажне гражданин шке праваж дене уто чарак деч посна пайдаланен кертше манын, процедур-влак лач тыгай лийшаш улыт.
Кызыт йӱклен, ме йочана-влаклан илаш элым ойырен налына. Тугай элым, кушто кугезына-шамычын йӱлаштым жаплат, пошкудын тӱвыражым пагалат, кушто кажнын йӱкшӧ уло, да тудо кӱлешан.
Тыгай элым пырля ойырен налына.
Маргарита ИВАНОВА.
М.Моллачиевын ВКонтакте воткылысе лаштыкше гыч налме фото.
