Марий Элын вузшо-влак Россий кӱкшытан конкурсыш ушнен кертыт.
«Знание» Россий обществе элнан Образований да науко министерствыж дене пырля молодёжь политике да воспитаний паша дене кылдалтше конкурсын кокымшо сезонжым увертарен.
Шым тӱҥ номинаций уло: «Патриотический воспитаний», «Усталык», «Добровольчестве», «Спорт», «Туризм», Самырык еш-влак» да «Профориентаций паша». Тыгак «Эн самырык команде», Просветитель паша», Россий калык-влакын икоян улмышт», «Преподаватель-влак» посна номинаций-шамыч дене палемдат.
Конкурсын тӱн шонымашыже – вузлаште молодёжь политикым да воспитаний пашам илышыш пуртымо эн сай лектыш дене палдараш йӧн.
Икымше сезонышто конкурсыш Российын 82 регионжо гыч вуз-влакын командышт деч 866 йодмаш пурен. Кокымшо сезоныш йодмашым 30 сентябрь марте пуаш лиеш.
Г.Кожевникова
