Эрла, 4 августышто, Волжск оласе рӱдӧ больницыште Марий Элым вуйлатыше Юрий Зайцевын тӱҥалтышыж почеш илышыш пуртымо «Таза республик» проектын кышкарыштыже «Тазалык кече» акций эрта.
Эмлымверыш Республикысе клинический больнице гыч гастроэнтеролог ден пульмонолог мият да пациент-шамычым 9.30 гыч 13.30 шагат марте приниматлат.
Палемдыме проект республикысе калыклан медицине велым сайынрак полшымашке виктаралтын.
Маргарита ИВАНОВА.
