Марий Эл вуйлатыше Юрий Зайцевын тӱҥалтышыж почеш эртаралтше «Марий кеҥеж» (2022 ий гыч) фестиваль вийым налеш.
Теҥгече 18 шагатат 30 минутлан рӱдоласе Благовещенский плошадьыште «Ретро» калык вокал студий (вуйлатыше Светлана Акчурина) дене пырля «Йошка хор» — поем вместе» касыште еҥ-влак пырля муреныт. Муро-влакшат пеш палыме да йӧратыме лийыныт: «Подмосковные вечера», «Не для тебя», «Батарейка», «Матушка-земля», «Конь» («Любэ»). Марий Эл правительстве председательын алмаштышыже–тӱвыра, печать да калык-влакын пашашт шотышто министр Константин Иванов студийын мурызыж-влаклан кидым кучен саламлалтын тауштен.
А Патриарший площадьыште кок ансамбль выступатлен: Медведево район гыч «Ошла сем» — чаманаш логалеш, нунын мастарлыкыштым ужаш ыш логал. А теве шочмо Морко район Шлань клуб пеленысе «Эр кече» да самырык-влакын «Кечыйол» ансамбль-влакын мурен-куштымыштым йӧратен ончышым.
«Марий кеҥеж» мероприятий-влак шуматкече да рушарня еда эртаралтыт, а изарнян Икымше-влакын толкынышт йоча-влаклан кудывечысе модмаш-влакым темлат. Жапым Йошкар-Ола администарацийын сайтыштыже пален налын кертыда.
Мероприятий «Марий кеҥеж» уремысе фестиваль кышкарыште Марий Элым Вуйлатыше Юрий Зайцевын да «Единый Россий»партийын полшымышт дене эрта.
Лидия Семенован фотожо.
