Кеҥеж каныш жапыште республикыште илыше 24 тӱжем утла йочалан моштымашым вияҥдаш йӧн ышталтеш.
Тидын нерген Марий Эл правительствыште Йоча-влаклан ешартыш образованийым пуымо системым вияҥдыме целевой модельым илышыш пуртымо шотышто ведомство-влак кокласе советын заседанийыштыже каҥашеныт. Тудо республик правительстве председательын алмаштышыже – тӱвыра, савыктыш да калык-влакын пашашт шотышто министр Константин Ивановын вуйлатымыж почеш эртен.
Марий Элын образований да науко министржын алмаштышыже Валентина Гаврилова ешартыш образованийым пуышо кеҥежымсе программе-влакын кӱлешлыкыштым палемден. Нуно каныш жапыште у шинчымашым налаш, социальный могырым вияҥаш йӧным ыштат, тыгак тиде ийготыш шудымо-влакын осал пашам ыштымышт ваштареш профилактике.
2026 ийыште республикысе тунемме верлаште, ешартыш образованийым пуымо тӧнежлаште, йочасадлаште кӱчык жаплан келыштарыме 773 программым илышыш пурташ палемдыме. Направлений-влак тыгай улыт: – –
– социально-гуманитарный;
– физкультурно-спортивный;
– туризм-краеведений;
– естественно-научный;
– художественный;
– технический.
Тидын деч посна йоча-влакым искусство да спорт школлаште мероприятий-влаклан поян программе вуча.
Кеҥеж каныш йӱлаш пурышо Ешартыш образований ярмиҥга дене мучашлалтеш.
Г.Кожевникова
Фотом Марий Эл Образований да науко министерствын соцкылысе лаштыкше гыч налме.
