Марий Элыште 2027 ийыште тӱзатышаш объект-влак верч йӱклымаш умбакыже шуйна.
Кызытсе жаплан Марий Элыште йӱклымашыш 51 тӱжем утла еҥ ушнен. Шке йӱкым 12 июнь марте пуаш йӧн уло. Тушко 14 ияш деч кугурак ийготан кажне еҥ ушнен кертеш. Йӱклымашке чылаже 90 кундемым лукмо. Келшыше кумдык верч йӱкым zagorodsreda.gosuslugi.ru ссылке почеш эртен пуаш лиеш.
Йошкар-Олаште Никонов площадьым тӱзатымылан эн шуко йӱкым пуэныт. Кызыт тудлан 11 тӱжем утла еҥ йӱклен. Кокымшо верыште — Вантовый кӱвар воктенсе кумдык (6400 утла еҥ), кумшо верыште — Машиностроитель уремысе тротуар (2500 утла еҥ).
«Оласе кумдыкым йӧнаным ыштымаш» проект ӱмашсе гыч «Илышлан кӱлешан инфраструктур» нацпроектыш пура. Тудым РФ Президент Владимир Путинын кӱштымашыж почеш ыштыме.
