Марий Элыште у коронавирус инфекций дене черланыше-влакын чотышт кугеммылан кӧра икмыняр чаракым угыч пуртымо.
15 июньышто Александр Евстифеев 2020 ий 17 мартыште лукмо «Марий Эл Республикыште у коронавирус инфекций (COVID-19) шарлымылан кӧра калыклан сай санитарно-эпидемиологический илышым ыштыме шотышто мере-влак нерген» указыш вашталтышым пуртен. Тудын дене келшышын, организаций ден амалкалче-влаклан 30 процент деч шагал огыл пашаеҥым, поснак 65 ий деч кугурак, тыгак хронический черан граждан-шамычым, пашам тора гыч ыштыме режимыш кусараш кӱлеш. Тыгодым COVID-19 деч прививкым ыштыктыше-влак ончычсо радам денак пашам ыштен кертыт. Ийготыш шудымо-влаклан сатулымо да веселаҥдыме рӱдерлаште ача-авашт але закон дене пеҥгыдемдыме еҥышт деч посна лияш чарыме. Йоча модмо пӧлем-влак пашам ыштымым чарнат. Тылеч посна, сатулымо рӱдерлаште яра Wi-Fi точко-влак петырналтыт.
Утларак ямде улмо режимым 5 июль марте палемдыме. Шуко калыкым иквереш чумырышо мероприятий-влакым ончычсо семынак эртараш чарыме. Граждан-влак помещенийлаште да шуко еҥ улман верлаште маске але респиратор дене пайдаланышаш да социальный дистанцийым кучышаш улыт.
Марий Эл Республикым вуйлатышын организаций
да аналитике виктемжын уверже негызеш
М.ИВАНОВА ямдылен
