Тӱня кумалтыш эртен
Башкортостан Республик Дӧртыльӧ район Маядык селаште кодшо рушарнян тӱня кумалтыш эртен. А отыжым ӱмаште 14 сентябрьыште почыныт. Тудым Маядык кундемыште илыше калык эрыктен. Тыгак кугу полышым верысе администрацийым вуйлатыше Андрей Камильянов ден депутат Валерий Галиев пуэныт.
Отым почмо деч ончыч Маядык кундемлан тӱҥ онаеҥым ойыреныт. Тӱрлӧ кандидатур лийын. Ятыр жап каҥашымеке, Георгий Алексеевич Ганиевым ойыреныт. Марий йӱлам вияҥдыме шотышто ятыр ой-каҥашым Краснокам районын онаеҥже Вячеслав Михайлович Шайдуллин пуэн. Тудо шкежат отым почмашке миен, кумалтышым эртарен ыле . А тенийсе тӱня кумалтышыш Башкортостанысе икмыняр район да Татарстан гыч онаеҥ-влак миеныт.
Н.СМИРНОВА.
Авторын фотожо.
Снимкыште: Тӱня кумалтышым эртарыме годым.
