Иркутск областьыште вӱд ташлымылан кӧра ойгыш логалше еҥ-влаклан полыш кидым шуялтынеда гын, 5 июль гыч Россий почто гоч посылкым яра колташ лиеш.
Гуманитарный полыш элысе Йошкар ыресын Иркутскысо отделенийышкыже мияш тӱҥалеш.
Туткар лийме верыште улшо калыклан кызыт теве мо эн кӱлешан:
– мушкылтмо средства (шампунь, пӱйым эрыкташ пасте ден щётко, шовын да молат);
– мушмо да дезифицироватлыше средства;
– вакшыш шартыш;
– вургем ден йолчием;
– шӱргӱштыш, кӱпчык, одеял;
– шуко жап аралалтше кочкыш продукт;
– мобильный телефон.
Посылкым колтышылан теве мом шотыш налман: чылажат у лийшаш, чийыме да кучылтмо арверым огыт нал.
Тыгай адрес дене колтыман:
Российысе Йошкар Ыресын Иркутскысо отделенийже.
664005, Иркутск область, Иркутск ола, 2-шо Железнодорожный урем, 9А.
Посылкыште «Гуманитарный полыш» возаш мондыман огыл.
Г.Кожевникова.
