Роспотребнадзорын Марий Элысе виктемже 5 гыч 19 июнь марте йоча каныш услугым пуымо качестве да лӱдыкшыдымылык йодыш дене тематический «шокшо линийым» почын.
Виктемын специалистше-шамыч граждан-влаклан йоча лагерьыште лачшымак мом шотыш налаш кӱлмым ушештарат, каныме да тазалыкым пеҥгыдемдыме организацийлаште йодмо санитарно-эпидемиологический нормо-влак дене палдарат.
Йоча каныш услугым пуымо качестве да лӱдыкшыдымылык шотышто лекше йодышым нине телефон дене рашемдаш лиеш:
- Роспотребнадзорын консультацийым пуымо единый рӱдерже: 8-800-555-49-43 (сутка мучко);
- Роспотребнадзорын Марий Элысе виктемже: 8-800-707-61-77, 68-19-04 (10 гыч 17 шагат марте, 12 гыч 12.45 шагат йотке – кечывал каныш);
- Марий Элыште гигиене да эпидемиологий рӱдерын консультацийым пуымо рӱдерже: 8-800-707-61-05, 45-19-33 (10 гыч 16 шагат марте, 12 гыч 12.30 шагат йотке – кечывал каныш).
Тылеч посна Роспотребнадзорын Марий Элысе виктемжын верласе пӧлкалашкыже йыҥгырташ лиеш.
М.ИВАНОВА
