Марий калыкын эн волгыдо пайремжылан Кугече пайрем шотлалтеш. Кажне кундемыште тудым эртарыме радам шкешотан, но пайрем годым лӱҥгалтыме йӱла кажне вере эртаралтеш.Тидым шотыш налын да калыкын йодмыжым шуктен, Республикысе марий тӱвыра рӱдер «Кугече лӱҥгалтыш» республик кӱкшытан конкурсым эртара. Тений тушко шым район гыч ялласе кандаш тӱвыра тӧнеж ушненыт.
Кугече кечын, 16 апрельыш те, марий тӱвыра рӱдерын пашаенже-влак Марий Турек район Марий Купто ялыште «Кугече лӱҥгалтыш» пайрем йӱлам эртарыме радамым, вершӧрым тӱзатымым аклаш тӱҥалыт.
17 апрель — Волжск район Руш Шайра ялыште 11 шагатлан, Ӱлыл Азъял 14 шагатлан пайрем тӱҥалеш.
18 апрель – Куженер район Токтайбеляк ял 11 шагатлан, У Торъял район Кузнеч ял 14 шагатлан эртарат.
19 апрель — Конкурсыш Советский район Кукмарий ял ушна. Пайрем 14 шагатлан лиеш.
20 апрель – Звенигово район Какшамарий ял «Кугече лӱҥгалтышым» тӱшкан палемда. 14 шагатлан тӱҥалеш.
21 апрель – Параньга район Усола ял, 14 шагатлан эртаралтеш.
«Кугече лӱҥгалтыш» республик кӱкшытан конкурс 22 апрельыште Йошкар-Оласе Рӱдӧ тӱвыра да каныме паркыште эртаралтше республик кӱкшытан «Кугече» йӱла пайремыште иктешлалтеш. Пайрем 13 шагатлан тӱҥалеш.
