Йошкар-Ола гыч футболист Г.Киселев «Крылья Советов» футбол клуб дене пырля Турцийыште сборышто лийын. Рвезе ныл матчыште модын.
Тренировко сбор кок арня эртен. Тушто команде ныл вашлиймаште сеҥышыш лектын: 2 февральыште команде Болгарий гыч «Ботев» сборный дене вашлийын, матч 1:0 счёт дене мучашлалтын. Куд кече гыч Сербийысе «Партизан» дене модын. Вашлиймаш ничья: 0:0 дене пытен. 12 февральыште Латвийысе «Спартакым» 5:2 счёт дене, а Кахахстан гыч «Кайсар» командым 3:0 счёт дене сеҥен. Киселев кажне матчыште полузащитник лийын, пасушто чылаже 165 минут жапым эртарен.
18 февраль гыч «Крылья Советов» кумшо сборым тӱҥалеш.
Е.Эшкинина.
