Таче Российыште Ешартыш образований пашаеҥын кечыжым палемдат.
Элыштына профессионал пайремым официально 2023 ийыште учредитлыме. Тӱҥ шонымашыже – ешартыш образованийым пуышо туныктышо-влакын пашаштым ончыкташ, профессийын кӱлешлыкшым палемдаш да тиде сферыш ушнаш самырык-влакым кумылаҥдаш.
Таче ешартыш образований – мемнан йоча-влакын ончыкылыкыштым чоҥышо негыз. Шукыжым лач тӱрлӧ кружок ден секцийлаште нунын моштымашышт почылтеш да вияҥеш.
Кызытлан Марий Элыште 83 тӱжем утла ӱдыр-рвезе тӱрлӧ направлений дене ешартыш образованийым налеш, нунын дене чумыр налмаште 700 утла педагог пашам ышта. «Молодёжь да йоча-влак» национальный проект полшымо дене регионышто талантан икшыве-влаклан моштымашым вияҥдаш йӧн ышталтеш: школ театр ден тоштер, ИТ-кумдык, спорт секций, усталык мастерской-влак да молат лач нунылан омсаштым почыныт.
Г.Кожевникова
Фотом Марий Эл Образований да науко министерствын соцкылысе лаштыкше гыч налме.
