Йошкар-Олаште Палантай лӱмеш Тӱвыра да сымыктыш колледжын оралтыжым олмыктат.
Марий Эл вуйлатыше Юрий Зайцевын кӱштымыж почеш, тӱвыра поянлыклан шотлалтше объектым шотыш кондаш республикын бюджетше гыч 39 миллион теҥгем ойырымо.
Республикын правительстве председательжын алмаштышыже – тӱвыра, савыктыш да калык-влакын пашашт шотышто министр Константин Иванов кодшо кечылаште уэмден олмыктымо паша кузе кайымым терген. Кызыт оралтын пурла велысе пӧлемже, санузелже-влакым, коридорым уэмдат. Электроснабжений, вӱд пуч, канализаций, оралтым ырыктыме системе-влак шотыш кондалтыт. Тыгак оралтын кудывече велысе фасадшым олмыктымо паша кая. Подрядчикын ӱшандарымыж почеш, у тунемме ийлан чыла пашам мучашлышаш улыт.
Светлана Носова
Фотом колледжын сайтше гыч налме
