Йошкар-Олаште илыше 63 ияш ӱдырамаш 450 тӱжем утла теҥге оксаж деч посна кодын.
Палыдыме пӧръеҥ пенсионеркылан йыҥгыртен да следователь улмыж нерген ойлен, вара налме эмже-влаклан компенсаций ойыралтшаш нерген каласен. Ӱдырамаш чынже денак эмым Интернерт гоч налын улмаш, сандене йыҥгыртышын мутшылан ӱшанен. Но оксам налшашлан пӧръеҥ адвокатын полышыжлан да оксам кусарымылан комиссийлан тӱлаш кӱлмӧ нерген ойлен. Ӱдырамаш тыгак ыштен. Тылеч вара мошенник тудын деч тӱрлӧ амал дене оксам «шӱдырен». Шкенжын улшо шийвундыжо ситен огыл да пенсионерке эсогыл пошкудыж деч икмыняр гана арен. Тыге ондалышылан чылаже 450 тӱжем утла теҥгем пуэн, но шкеже компенсацийжым тугак ужын огыл.
Ондалалтмыжым умылымеке, ӱдырамаш полицийыш увертарен. Кызыт тиде факт шотышто уголовный делам тарватеныт. Весе кӱшеш пояш тыршыше еҥым кычалыт.
Л.Камалетдинова.
