Шорык
Тиде арнян але марте нигунамат рашемдаш логалдыме йодыш шотышто вуйым пудыратылаш логалеш. Икшывыда-влаклан кугу тӱткышым ойыраш перна. Нуным тӱрлӧ семын вияҥдаш да шуараш тыршыме годым педагог талантда улмым умыледа.
Презе
Тендан эн ончыл верыште еш лиеш. Лишыл еҥда-влак дене кылдалтше йодышым рашемдаш логалеш. Мӧҥгыштӧ ачалыме-тӧрлатыме пашам шукташ келшыше жап. Иктаж-кушко миен толын кертыда. Тиде арнян у еҥ дене палыме лийыда, очыни.
Йыгыр
Воктеныда улшо еҥ-влак дене шуко мутланаш логалеш. Нуно тендан деч ала-могай йодыш шотышто полышым йодыт. Тиде арнян тӱрлӧ вере миен толаш, ятыр еҥ дене вашлияш, телефон дене шуко мутланаш логалеш. Йолташ-шамыч пӱртӱсыш пырля лекташ ӱжын кертыт.
Рак
Тиде арнян оксада ешаралтеш. Тыланда пашадарым кугемдат але ала-могай пашам ыштымыланда премийым пуат. Тиде окса дене шукертсек шонымо сатум налаш йӧнда лиеш. Мӧҥгылан иктаж-могай кӱлеш арверым налаш утларак келшен толеш.
Лев
Тӱрлӧ йодышым шке шонымыда семын рашемдеда гын веле чонланда ласкан чучаш тӱҥалеш. Поснак самырык-шамычлан ты шотышто нелырак лиеш, молан манаш гын ача-авашт, полшаш да сайым ышташ тыршен, шке шонымашыштым виешак тушкен кертыт.
Ӱдыр
Тиде арнян палыдыме еҥ-шамыч дене мутланыме годым шӱдыр-влак чот тӱткӧ лияш темлат. Южышт ондалаш веле шонаш тӱҥалыт. Шке илышда нерген весе-шамычлан каласкалаш ида вашке – ончыкыжым мутдам тендан ваштарешак кучылт кертыт.
Виса
Тыланда тиде арнян пиал шыргыжаш тӱҥалеш. Те шуко еҥ дене палыме лийын кертыда. Ончыкылыклан планым ышташ келшыше жап. Окса чӱдылык гына мыняр-гынат нелылыкым луктын кертеш. Жапым веселан эртараш тыршыме пашаште умылыдымаш марте шукта, очыни.
Скорпион
Тыланда кугурак должностьым темлат, но шкан ӱшаныдымылан кӧра тореш лийын кертыда. Тазалык тургыжландара гын, тергалташ миен толза. У
технике полшымо дене тыланда чын диагнозым шындат да тидыже черым писынрак сеҥаш йӧным ышта.
Пикшызе
Тиде арнян чап, лӱмнер дене кылдалтше йодыш-влак эн тӱҥ лийыт. Тыланда шке шонымашдам арален налаш логалеш, очыни. Иктешлымашым ышташ ида вашке. Удам шонышо-влак чаракым шындылаш тӱҥал кертыт. Сандене манеш-манешыштлан амалым ида пу.
Ирказа
Те вучыдымо ситуацийлашке логал кертыда. Нуно шонымыдам илышыш пурташ чаракым ыштат. Таҥасымашыш ушнеда гын, тӱткӧ лийза, уке гын сусыргымо лӱдыкшӧ уло. Мӧҥгыштӧ изирак ачалыме пашам шукташ тӱҥалаш келшен толеш.
Вӱд йоктарыше
Тиде арнян шукыжым шке шонымыда семын огыл, а улшо ситуацийлан келшышын ышташ логалеш. Утларак йодышым пелашдалан рашемдаш ӱшаныза. Окса дене кылдалтше паша сайын ворана. Тунемаш, иктаж-кушко миен толаш, палыме лияш келшыше жап.
Кол
Тиде арнян тендам ятыр сомыл вуча, сандене каналташ жап йӧршын гаяк огеш код. Утларак ыштен шукташ манын, планым ямдылыза. Ойыртемалтше янлыкым налаш шукертсек шоненда улмаш гын, тидым лачшымак ты арнян ыштен кертыда.
Л.КАМАЛЕТДИНОВА
