Социальная жизнь
СОЦИАЛ ИЛЫШ

22 май – Меланомым диагностироватлыме тӱнямбал кече

22 май – Меланомым диагностироватлыме тӱнямбал кече

Коваштет яндар мо?

Республикысе коваште-венерологий диспансер 22 майыште 8 гыч 14 шагат марте пациент-влакым коваште рак деч яра терга. Кумылан чыла еҥ приёмыш 14 гыч 17 шагат марте 41-96-83 номеран телефон дене ончылгоч возалтын кертеш. Диспансерын адресше: Йошкар-Ола, Келшымаш урем, 93-шо №-ан пӧрт.

Врач-шамыч пациентым коваште меланомым тӱҥалтыш йыжыҥыште рашемдаш полшышо дерматоскопий йӧн дене тергат. Тудо йӧршын лӱдыкшыдымылан шотлалтеш, сандене приёмыш эсогыл мӱшкыран ӱдырамаш ден шукерте огыл шочшо йоча-влак толын кертыт.

Кокытеланымаш лектеш гын, врач-шамыч дерматоскопий сӱретын фотофиксацийжым ыштат: тудым фотографироватлат да умбакыже кугу экраныште ужашын-ужашын шымлат. Тергыме деч вара диагнозым шындат, кӱлеш гын, эмлалтме йӧным темлат.

2016 ийыште меланомылан республикыште илыше 400 еҥым тергыме, коваште ракын 23 случайжым регистрироватлыме, тышечын кудытшо – коваште меланомо.

М.ИВАНОВА.

Опубликовать в Одноклассники

Добавить комментарий