Шорык
Шушаш ий ласка да куштылгыжак огеш лий, молан манаш гын нелылык-влак вашлиялтыт, тыгодым сеҥымашкат шуыда. Лишыл еҥ-влак дене, поснак ача-ава дене, умылыдымаш лектын кертеш. Идалыкын кокымшо пелыштыже шукыжо веран-верышкыже шинчеш. Шӱмбелым вашлияш йӧн лиеш. Тудын дене кыл пиалан ончыкылыкым сӧра.
Презе
Наукышто, литературышто, журналистикыште, туныктымо пашаште тыршыше-влакым лектышан да куандарыше идалык вуча. Вес кундемлашке миен толыда гын, шуко пайдам налыда. Тыгодым икымше тылзылаште мӧҥгыштӧ да пашаште кугу умылыдымаш лектын кертеш. Идалыкын кокымшо пелыже ласкарак лиеш.
Йыгыр
2024 ийыште окса дене кылдалтше шуко йодышым рашемдаш логалеш. Ятыр нелылык кораҥдалтеш, эсогыл иктаж погым налын кертыда. Тыгодым шагал огыл йомдареда, очыни. Идалык жапыште илышыштыда тӱрлӧ вашталтыш лиеш. Весе-влаклан утларак полшыман, еҥ-шамыч дене ик ойыш шуын моштыман.
Рак
Тендам лектышан идалык вуча. Кеч-мом шонен пыштеда гынат, чыла гаяк шукталтеш. Шушаш ийын моштымашдам да мастарлыкдам ончыкташ темлалтеш. Идалык тӱҥалтыште шке авторитетым пеҥгыдемдаш логалеш. Паша ден илыме верым вашталтен, у еҥ-шамыч дене палыме лийын кертыда. Пытартыш тылзылаште лишыл-влак дене шкем тыматлынрак кучыман.
Лев
2024 ийыште мом ышташ палемденда, могай кӱкшытыш шунеда – нине шонымаш деч кораҥман огыл. Южгунамже вий пытымыла чучаш тӱҥалеш гынат, чыташ тыршыман. Сеҥымаш куштылгын огеш пуалт. Тудлан шергын тӱлыман. Тиде идалыкыште ешым чумырен, кӱлеш ойпидышым ыштен, шукертсек шонен коштмо пашаште шонымо верым айлен кертыда.
Ӱдыр
Йолташ-влакын полшымышт дене шуко нелылык деч утледа, очыни. 2024 ийыште чыла шонымашдак огеш шукталт. Но вет тидын дене илыш огеш мучашлалт. Чонланда келшыше тӱрлӧ сомылым муыда. Нуно утларакше философий, историй дене кылдалтше лийыт. Оксам ыштен налме у йӧн-влакым пален налыда.
Виса
2024 ийыште илышыштыда моткоч кугу вашталтыш-влак лийыт. Нуно йӧратымаш, еш да паша дене кылдалтыт. Тыгодым шагал огыл окса деч посна кодын, лишыл еҥым йомдарен кертыда. Неле жапыште шкетын шинчен кодаш огыл манын, шукырак поро пашам ыштыман. А поро, чыланат палена, поро денак пӧртылеш.
Скорпион
Шушаш ийыште те мӧҥгӧ деч торашке каеда. Тыгай ошкылым шукертсек шонен коштмо планым илышыш пурташ манын, тыгак йӧратымашлан верчын ыштеда, очыни. У религий нерген шинчымаш, у тӱвыралан тӱткышым ойырымаш тӱняумылымашдам келгемдаш, шийвундыдам ешараш полша. Идалыкын кокымшо пелыже утларак лектышан лиеш.
Пикшызе
Тыландат 2024 ий вашталтыш-влакым сӧра. Кугу сеҥымаш ден лектыш мӧҥгӧ деч тораште вучат. Те у йолташ-шамычым муыда, ятыр у шижмаш чондам авалта, илыш радамдат чотак вашталтеш. Тыгодым идалык нелылык-влак деч поснат огеш эрте. Кумылда огеш лий гынат, икшывыда-влакын илышышкышт ушнашда логалеш.
Ирказа
2024 ийыште илыш девизлан Цойын мурыж гыч тыгай корнылам налын кертыда: «Перемен! Мы ждём перемен!» А вашталтыш-влак кугу, но эреж годымак огыл сай велыш лийыт. Ончыч паша, еш, лишыл еҥ-влак, икшыве-шамыч, нунын тазалыкышт дене кыдалтше йодыш-шамыч шке семын гаяк рашемдалтыныт гын, кызыт южыш шотышто вуйым пудыратылаш перна.
Вӱд йоктарыше
2024 ийыште чолгалыкым да чулымлыкым утларак ончыктыза манын, шӱдыр-влак чотак тыршат. Паша, лишыл да тора родо-шамыч дене вашкыл, партнёр-влак дене ойпидыш шотышто йодыш-влакым рашемдаш шушаш ийын кугу чытыш, моштымаш кӱлеш лийыт. Сандене тыланда тургыжланаш шагал огыл логалеш, куанат вуча.
Кол
Шушаш ий сайын эрта, палдарат шӱдыр-влак, вет 2024 ийыште личный илышда куандараш тӱҥалеш, пашаште кугу кӱкшытыш шуыда. Иктаж-кушко путешествийыш миен толын кертыда. Тудо у пашалан, бизнеслан негызым ышта да ончыкыжым тыланда шуко шийвундым конда. Тыгак туштак у шӱмбелым вашлийыда да лишыл жапыште тудын дене ешым чумырен кертыда.
Л.Камалетдинова
