РФ президент В.Путинын темлыме «Илыме вер да оласе среда» нацпроектын «Оласе средам йӧнаным ыштымаш» федерал проектше умбакыже шуйна.
Тиде проект дене келшышын, Йошкар-Олаште 30 утла кумдыкым тӱзатыме. Нунын коклаште – 9-ше микрорайонышто П.Глезденев лӱмеш саклымвер, Тазалык аллей, Марий парк, Марий машиностроитель завод ваштареш Свирин лӱмеш саклымвер да тулеч молат.
2025 ийыште могай верым тӱзаташ шонеда – йодмашдам, кӱлеш семын пеҥгыдемден, 2 февраль марте Йошкар-Ола администрацийыш Ленинский проспект, 27 адрес дене 9 гыч 16 шагат марте (12.30 гыч 13.30 шагат – кечывал) намиен пуыман. 2 февральыштат 9 гыч 12 шагат марте налыт. Тыгак blagoustr_gorod@i-ola.ru электрон почтыш колтен кертыда, увертарат Йошкар-Ола мэрийыште.
Л.СЕМЕНОВА
