Черетан сеҥымаш – шӧртньӧ медаль
Марий Эл гыч куштылго атлет Людмила Лебедева Российын чемпионатыштыже кроссышто шӧртньӧ медальым сеҥен налын.
Шернур кундем гыч тўнямбал кўкшытан спорт мастер Л.Лебедева элнан чемпионатыштыже 6 километр кужытан кроссышто икымше (19,43 мин) лийын. Таҥасымаш Жуковский олаште эртен. Кызыт Людмила кок регионлан очком конда: Марий Эллан, Москолан. Марий ўдырын тўшкаштыже 20 еҥ стартоватлен. Нунын коклаште тўнямбал кўкшытан куд спорт мастер лийын. Кокымшо верыште – Наталья Власова (19,46 мин), кумшо – Александра Гуляева (19,55 мин)
Пӧръеҥ-шамыч коклаште Марий Эл гыч куштылго атлетике дене СДЮСШОР-ын воспитанникше Михаил Рыбаков вийжым терген да 8 километрыште 15-ше лийын.
Эн талыжлан – пӧлек
7 майыште Йошкар-Олаште куштылго атлетике дене «Сеҥымаш гандикап – 2017» таҥасымаш лиеш. Тудо Сеҥымаш кечылан пӧлеклалтеш.
Старт Йошкар-Оласе Сеҥымаш паркыште 10 шагатлан пуалтеш.
Мероприятийым В.Ленин лӱмеш культур полат администраций ден куржталаш йӧратыше-влакын «Айвика» клубышт эртарат. Тушко тыгак оласе администрацийын физкультур, спорт да самырык-влакын политикышт шотышто управлений ушна.
Вийым тергаш кумылан-шамыч «ВКонтакте» социальный сетьыште тыгай адрес дене йодмашым пуэн кертыт: www.vk.com/victory_gandikap
Е.Эшкинина.
